"Liverpul" Isak uchun rasmiy taklif tayyorlamoqda – "Nyukasl"da ikkilanish hukm surmoqda

"Nyukasl" ushbu haftada Aleksandr Isak bo‘yicha "Liverpul"dan rasmiy taklif kelishini kutmoqda. Bosh murabbiy Eddi Xau Isakning jamoa bilan Osiyo turnesiga qo‘shilmasligini tasdiqladi va bu transfer ehtimolini yanada oshirdi.

25 yoshli hujumchi ushbu mavsumoldi yig‘inda o‘rtacha sondagi jarohatini bahona qilib qatnashmagan, ammo so‘nggi tibbiy tekshiruvlar uning to‘liq sog‘lom ekanini ko‘rsatgan.

Isak "Liverpul"ga o‘tishni xohlayotganini bildirgan va angliyalik chempionlar Luis Diasni "Bavariya"ga 65 million funtga sotgach, yangi hujumchini xarid qilish uchun katta mablag‘ga ega bo‘lishadi. Xabarlarga ko‘ra, mersesaydliklarning taklifi 150 million funt atrofida bo‘lishi mumkin.

"Nyukasl" rahbariyati ikki yo‘ldan birini tanlashi kerak: futbolchini sotib, maksimal foyda olish yoki har qanday taklifni rad etib, uni jamoada qolishga majburlash. Jamoa safida ham bu masala bo‘yicha qarama-qarshi fikrlar mavjud.

Rahbariyat hozircha asosiy futbolchilarni saqlab qolishni istashini bildirmoqda. Biroq, Isakning ketish istagi va "Liverpul"ning katta taklifi ularni qaror qabul qilishga majbur qilishi mumkin.