Гави яна тиззасидан жароҳат олди

"Барселона" ярим ҳимоячиси Гави жароҳати туфайли бир нечта ўйинларда жамоасига ёрдам бера олмайди. 21 ёшли футболчи жума кунги машғулотда тиззасидан шикаст олди.

Журналист Хави Мигелнинг янгиланган маълумотларига кўра, ярим ҳимоячи Ла Лиганинг "Райо Валкано"га қарши ўйинини ўтказиб юборади. Шунингдек, сентябрь ойида бўлиб ўтадиган Жаҳон чемпионати саралаш босқичи учрашувлари учун Испания терма жамоаси сафига қўшилмайди.

Яқин кунларда футболчи тикланишнинг аниқ муддатларини аниқлаш мақсадида тиббий кўрикдан ўтади. Эслатиб ўтамиз, 2023 йил охирида Гави хочсимон бойламнинг узилиши сабабли тиззасида жарроҳлик амалиётини бошдан кечирган эди. Бу сафар ҳам айнан ўша тиззаси шикастланди.