Сульшер янги истеъдод топди
“Манчестер Юнайтед” яна Португалиядаги истеъдодларга эътибор қарата бошлади. Бу гал манчестерликлар “Брага”да барқарор ўйин кўрсатаётган ҳимоячи Давид Кармуни трансфер қилишни режалаштирмоқда.
21 ёшли португалиялик футболчи “Манчестер Юнайтед”нинг ҳимоясини кучайтириши кутилмоқда. Transfermarkt Кармунинг нархини 6 миллион еврога баҳолаган. Бироқ, “Брага” раҳбарияти уни 15 миллион евродан камига қўйиб юбормаслиги айтилмоқда.
Карму жорий мавсумда “Брага” таркибида Португалия чемпионатида бешта ўйин ўтказди.
Comments