Мазкур клублар ўртасидаги баҳслар доимо шиддатли ва жанговар руҳда кечган. Албатта бу сафарги ўйиннинг ҳам курашларга бой тарзда ўтишига шубҳамиз йўқ. Боиси, айни пайтда ҳар икки жамоа чемпионлик унвонини қўлга киритиш учун кураш олиб бормоқда. Бундан ташқари, “лочинлар” 2-босқич баҳсларини кучли олтилик гуруҳининг пешқадами сифатида бошлашади ва бугунги учрашувда ғалаба қозониб, ўз мавқеларини мустаҳкамлаб олишга интилишади. Бир сўз билан айтганда, бўлажак ўйинга қизиқиш катта.

“Навбаҳор” –  “Пахтакор” учрашувини бевосита стадионда томоша қилиш учун Ўзбекистон Миллий олимпия қўмитаси президенти, Ўзбекистон футбол ассоциацияси биринчи вице - президенти Умид Аҳмаджонов ва Ўзбекистон миллий терма жамоаси бош мураббийи Эктор Купернинг Наманганган ташрифлари кутилмоқда. Бу ҳақда "Навбаҳор" расмий сайти хабар бермоқда.

Бундан ташқари, “Навбаҳор” ПФК раҳбарияти ва Наманган вилоят Маданият бошқармаси томонидан ушбу ўйинга пойтахтдан бир қатор эл суйган таниқли санъаткорлар ҳам  таклиф этилишган. Мазкур санъаткорларнинг кимлиги ҳозирча сир. Улар “Навбаҳор” – “Пахтакор” учрашуви олдидан ўзларининг дилрабо тароналарини мухлисларга туҳфа этишади.

Қисқаси, бўлажак ўйинга тайёргарлик авжида.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98