«Эль-Класико»лардаги «хет-трик» ва «покер»лар
Ads

Эртага ҳамманинг диққат эътибори Каталониядаги «Камп Ноу» стадионига қаратилади. Биз шу муносабат билан ушбу икки гранд жамоалар баҳсида «хет-трик» ва «покер»га эришган футболчилар ҳақида маълумот бериб ўтади.

«Барселона» футболчиларининг «хет-трик»лари
1. П.Алкантара (-). «Реал» - «Барселона» 6:6. 13.04.1916 (кубок)
2. Рамон (12, 35, 73). «Барселона» - «Реал» 3:1. 05.04.1931 (чемпионат)
3. Сесар (36, 56, 74). «Барселона» - «Реал» 4:2. 02.03.1952 (чемпионат)
4. Эваристо (22, 68, 70). «Барселона» - «Реал» 4:0. 26.10.1958 (чемпионат)
5. Ромарио (24, 56, 81). «Барселона» - «Реал» 5:0. 08.01.1994 (чемпионат)
6. Месси (10, 27, 88). «Барселона» - «Реал» 3:3. 10.03.2007 (чемпионат)
7. Месси (42, 65 пен, 84 пен). «Реал» - «Барселона» 3:4. 23.03.2014 (чемпионат)

«Реал» футболчиларининг «хет-трик»лари
1. Бернабеу (15 пен, 31, 62). «Реал» - «Барселона» 4:1. 02.04.1916 (кубок)
2. Белаунде (-). «Реал» - «Барселона» 6:6. 13.04.1916 (кубок)
3. Ласкано (42,68,72). «Реал» - «Барселона» 5:1. 30.03.1930 (чемпионат)
4. Ласкано (14, 42, 73). «Реал» - «Барселона» 8:2. 03.02.1935 (чемпионат)
5. Наро (8, 17, 29). «Реал» - «Барселона» 4:1. 14.01.1951 (чемпионат)
6. Пушкаш (24 пен, 35, 71). «Барселона» - «Реал» 1:5. 27.01.1963 (чемпионат)
7. Пушкаш (37, 68, 84 пен). «Реал» - «Барселона» 4:0. 15.12.1963 (чемпионат)
8. Амансио (16, 31, 74). «Реал» - «Барселона» 4:1. 08.11.1964 (чемпионат)
9. Самарано (5, 21, 39). «Реал» - «Барселона» 5:0. 07.01.1995 (чемпионат)

«Хет-трик»чилар борасида «Реал» жамоаси футболчилари олдинда. Мадридликлар «Эль-класико»ларда 9 марта, Каталонияликлар эса 7 марта ўз номларига «хет-трик» ёздириб қўйишга муваффақ бўлишган.

Қизиқарли фактлар
- 16 та «хет-трик»нинг 6 таси «Барселона» майдонида, 10 таси эса «Реал»нинг уй стадионида қайд этилган.

- Жами 13 нафар футболчи бир ўйинда учтадан гол киритган.

- «Барселона» футболчилари икки марта «Сантяго Бернабеу»да, Мадридликлар эса «Камп Ноу»да бир бора «хет-трик»ка эришишган.

- 3 нафар футболчи «Эль-класико»ларда икки мартадан «хет-трик»ка эришишган. «Барселона»дан Месси, «Реал»дан эса Ласкано ва Пушкашлар бу натижани қайд этишган.

- «Реал» футболчилари Наро ҳамда Самаранолар биринчи бўлимдаёқ «хет-трик»ни расмийлаштириб қўйишган.

- Наро энг тезкор «хет-трик» соҳибидир. У 21 дақиқа ичида (8-29 дақиқалар) уч бора «Барса» дарвозасини ишғол қилган.

- 1916-йилги Испания кубогида ҳар иккала жамоа футболчилари Алкантара ва Белаунделар «хет-трик»ка эришишган. Бироқ уларнинг нечанчи дақиқаларда гол киритганликлари ҳақидаги маълумотлар сақланиб қолмаган.

- «Реал»нинг венгриялик ҳужумчиси Ференц Пушкаш 1963 йилда икки марта «Барса» дарвозасини уч мартадан ишғол қилган.

- Энг кеч «хет-трик» Мессига тегишли. Лео 2007 йилги «классико»да 88 дақиқада учинчи голини киритиб жамоасини мағлубиятдан қутқариб қолди (3:3).

- Месси 2014 йилда иккинчи марта «хет-трик»ка эришади. Эътиборли томони у голларининг иккитасини пенальтидан киритган. Бундай кўрсаткич ҳозирча ягонадир.

- Жамоаси футболчилари «хет-трик» қайд этган ўйинларда «Барса» 2 марта, «Реал» эса 8 бора йирик ҳисобда ғалабага эришган.

«Покер»лар

«Барселона» футболчиларининг «покер»лари
1. Самитер (19, 26, 43, 64). «Реал» - «Барселона» 1:5. 18.04.1926 (кубок)
2. Венторла (43, 62, 68, 82). «Барселона» - «Реал» 5:0. 21.04.1935 (чемпионат)
3. Мартинес (4, 48, 50, 63). «Барселона» - «Реал» 6:1. 19.05.1957 (кубок)

«Реал» футболчиларининг «покер»лари
1. Санюдо (21, 35, 47, 81). «Реал» - «Барселона» 8:2. 03.02.1935

«Покер» қайд этишда эса «Барселона» футболчилари олдинда. Каталониялик футболчилар «классико»ларда 3 бора, Мадридликлар эса 1 марта «покер»га эришишган.

Қизиқарли фактлар
- «Эль класико»ларда 4 нафар футболчи «покер»га эришган.

- Энг тезкор «покер» «Барса» футболчиси Венторлага тегишли. У 43-82 дақиқалар орасида, яъни 41 дақиқа ичида тўртта гол киритган.

- «Барселона» ҳужумчиси Самитер кубок баҳсларида Мадридда 4 та гол урган.

- 1935 йилги «Реал» - «Барселона» (8:2) учрашувида мезбонлар сафида Ласкано «хет-трик», Санюдо эса «покер»га эришади.

Фурқат Юсупов тайёрлади