-90 kg vazn toifasida Bobonov finalga chiqdi, yana 3 nafar dzyudochimiz esa bronza medal uchun kurashadi

Ayni paytda Toshkentdagi "Humo Arena" sport saroyida dzyudo bo‘yicha "Katta dubulg‘a" turniri bo‘lib o‘tmoqda. Ushbu turnirning prelim bahslari o‘z yakuniga etdi. 

-90 kg vazn toifasida Davlat Bobonov final yo‘llanmasini qo‘lga kiritdi. Yakuniy jangda unga yaponiyalik Kenta Nagasava raqiblik qiladi. Bronza medali uchun kurashda Shermuhammad Jandreev ozarbayjonlik Mammadali Mehdievga qarshi tatamiga chiqadi. 

-100 kg vaznda Muzaffar Turoboev va Aqlmurod Xudoyberdiev bronza medali uchun tatamiga chiqadi. Turoboevga mo‘g‘ulistonlik Otgonbatar Lxagvasuren, Xudoyberdievga ham mo‘g‘ul sportchisi Gonchigsuren Batxuyag raqiblik qiladi. 

Final bellashuvlari 17:00 da start oladi.