-90 кг вазн тоифасида Бобонов финалга чиқди, яна 3 нафар дзюдочимиз эса бронза медаль учун курашади

Айни пайтда Тошкентдаги "Ҳумо Арена" спорт саройида дзюдо бўйича "Катта дубулға" турнири бўлиб ўтмоқда. Ушбу турнирнинг прелим баҳслари ўз якунига етди. 

-90 кг вазн тоифасида Давлат Бобонов финал йўлланмасини қўлга киритди. Якуний жангда унга япониялик Кента Нагасава рақиблик қилади. Бронза медали учун курашда Шермуҳаммад Жандреев озарбайжонлик Маммадали Меҳдиевга қарши татамига чиқади. 

-100 кг вазнда Музаффар Туробоев ва Ақлмурод Худойбердиев бронза медали учун татамига чиқади. Туробоевга мўғулистонлик Отгонбатар Лхагвасурен, Худойбердиевга ҳам мўғул спортчиси Гончигсурен Батхуяг рақиблик қилади. 

Финал беллашувлари 17:00 да старт олади.