Andijonda qo‘l jangi bo‘yicha professional janglar tashkil qilindi

 19 sentyabr kuni Andijon shahrida joylashgan Olimpiya zahiralari kollejida  Qo‘l jangi bo‘yicha yoshlar o‘rtasida O‘zbekiston kubogi bahslari start olgan edi. Ushbu turnir 23 sentyabrga qadar davom etadi.

Kuni kecha chempionatning rasmiy ochilish marosimi va R-1 versiyasi bo‘yicha professionallar o‘rtasidagi janglar bo‘lib o‘tdi.

Unda  62 kg. vazn toifasida  Sanjar Abduhoshimov (Toshkent shahri.),  67 kgda Muhammadali Ismoilov (Mudofaa vazirligi) ,73 kgda Islom Zaynobiddinov (Navoiy viloyati) va 80 kg vaznda Muslim Xotamov (Milliy gvardiya) g‘alaba qozondi.