17 ёшли футболчи бир зарба билан рекорд ўрнатди

Испания чемпионатининг ўнинчи турида “Барселона” бош мураббийи Хави Эрнандес катта таваккалга қўл урди.

Каталония клубининг тажрибали футболчилари ўз майдонида “Атлетик” жамоасини таслим қила олмаётган бир пайтда испаниялик мураббий ўйинга 17 ёшли Марк Гиуни қўшди.

Бу футболчи мураббийлар штаби ишончини оқлади. У илк уринишда жамоасига ғалаба келтирган гол муаллифи бўлди.

Шу тариқа, Марк Гиу “Барселона” сафида дебют ўйинида рақиб дарвозасини ишғол қилган энг ёш ўйинчига айланди. Рекорд қайд этилган пайтда Гиу 17 ёшу 291 кунлик эди.