Ҳамробеков термада мураббий алмашиши мумкинлиги ҳақидаги саволга жавоб берди

Ўзбекистон Миллий терма жамоаси айни вақтда юртимиз мезбонлик қилувчи "CAFA Nations Cup-2025" турнири олдидан Тошкентда ўқув-йиғин машғулотларини давом эттирмоқда. Терма жамоамиз етакчиларидан бири ҳисобланган Одил Ҳамробеков ушбу йиғин доирасида журналистларни қизиқтирган саволларга жавоб берди. 

- "Трактор"даги илк расмий учрашувимда соврин ютдим. Бу ҳар бир спортчи учун ажойиб ҳолат. 

- Шароитлар ёмон эмас. Футболчи учун керак бўлган барча шароитлар мавжуд. 

- Терма жамоада доим ҳам ўйнайвермайсиз. Шунинг учун, терма йиғинига келганда, ўртоқлик ўйиними ёки расмий ўйинми, турнирнинг даражаси пастми, максимал футболчилар ҳам мураббийлар ҳам бундай фойдаланишга ҳаракат қилади. Олдимизга қўйилган мақсадга эришдик, энди муносиб иштирок этиш учун қўлдан келганча тайёргарлик кўрамиз. 

- Легионерларнинг йўқлиги қандай таъсир қилади? Буни аввало вақт кўрсатади. Бироқ легионерларнинг ўрнида ҳаракат қиладиган ўйинчиларга ҳам бу яхши имконият. 

- Ўмон яхши шаклланган жамоа. Натижалари билан мақтана олмаса ҳам рақибларига жиддий қаршилик кўрсата олади. 

- Терма жамоада мураббий ўзгариши ҳақида расмий хабарлар чиқмагунига қадар ҳеч нарса дея олмайман. Тасдиқлангандан кейин бирор нима дейиш мумкин.