17 ёшли Ламин Ямалга “даҳшатли” сумма тикилди
“Басрелона” президенти Жоан Лапорта клуб тарбияланувчиси Ламин Ямаль бўйича ўта катта сумма кўрсатилган таклиф олганини маълум қилди.
Номи сир тутилаётган клуб 17 ёшли футболчи учун 250 миллион евро бермоқчи бўлган экан. Лапорта клуб молиявий қийинчиликлардан қийналаётганига қарамай, бу таклифни рад этганини маълум қилди.
- Клуб Ламин Ямаль учун 250 миллион евролик таклиф олди. Бироқ биз уни рад этдик, - деди Жоан Лапорта.
Ламин Ямаль клуб тарбияланувчиси ҳисобланади. Асосий таркибга қабул қилинганидан бери каталонияликлар сафида 62 та учрашувда иштирок этиб, 12 та гол ва 14 ассист муаллифи бўлган.
“Барселона” 250 миллион евролик трансфер таклифини рад этганидан кейин трансфер рекорди янгиланмай қолди. Ҳозирги рекорд 2017 йили қайд этилган бўлиб, унда ПСЖ бразилиялик Неймар учун “Барселона”га 222 миллион евро тўлаган.
Фикрлар