17 ёшли вундеркинд бир зарба билан тарихни ўзгартириб юборди

Германия Бундеслига янги номларни кашф қилишда етакчи ҳисобланади. Чемпионатнинг навбатдаги турида Европа футболида янги ном янгради.

Дортмунднинг “Боруссия”си ўз уйида ўтказилган 30-тур учрашувида “Вольфсбург” жамоасини 6:1 ҳисобида доғда қолдирди. Мезбонлар бош мураббийи Марко Розе илк дақиқалардан ёш ҳимоячи Том Ротени майдонга туширди.

Бу ўйинчи дебют учрашувининг 24-дақиқасида ҳисобни очди. Шу тариқа, Роте Бундеслигада дебют учрашувида гол урган энг ёш футболчи сифатида тарихий натижа қайд этиб, аввалги рекордларни янгилади.

Роте ўйин вақтида 17 ёшу 169 кунлик эди. Бунақа омадли дебют  ҳар кимга ҳам насиб этавермайди.