24 ёшли бразилиялик футболчи вафот этди

Португалия 3-дивизиони вакили ҳисобланган “Альверка” клуби ярим ҳимоячиси Алекс Аполинарио 24 ёшида вафот этди.

“Касалхона тиббиёт ходимлари бугун эрталаб футболчимиз вафот этгани тўғрисида хабар берди. Биз бундан оғир қайғудамиз. Клуб Аполинарио оиласига ҳар томонлама ёрдам беради”, - дейилади клуб баёнотида.

Алекс “Униау Алмерим”га қарши ўйиннинг 27-дақиқасида ҳушини йўқотган ва тез ёрдам машинасида касалхонага олиб кетилган эди. Аввалроқ ОАВ бразилиялик ярим ҳимоячининг ҳолати барқарорлашгани ҳақида хабар тарқатган эди.