38 yoshimda Ronaldudan zo‘r o‘ynardim

Niderlandiyalik mashhur sobiq hujumchi Marko van Basten “An-Nasr”da to‘p tepayotgan Krishtianu Ronalduning o‘yiniga baho berdi.

- Ronaldu 38 yosh va u juda faol.  Hali kuchi ko‘p. O‘zim 38 yoshimda qanday o‘ynagan bo‘lardim?

Menimcha, Ronaldudan ancha yaxshi o‘ynardim, - dedi Marko van Basten.

Marko van Basten faoliyati davomida 1981-1987 yillarda “Ayaks”da o‘ynab, 133 ta uchrashuvda 128 ta to‘p kiritgan. Keyin “Milan” jamoasiga ko‘chib o‘tib, 1995 yilgacha 147 ta bellashuvda qatnashib, 90 ta gol muallifi bo‘lgan.

Akrobatik usulda gol urishning ustasi bo‘lgan Marko van Basten jarohati tufayli faoliyatini 31 yoshida yakunlagan.