АПЛ. "Манчестер Юнайтед" 2-турдаёқ мағлубиятга учради

Куннинг сўнгги ўйини Брайтонда кечди. Унда маҳаллий "Брайтон" клуби "Манчестер Юнайтед"ни қабул қилди. "Фальмер" стадионида кечган беллашувда мезбонлар тажрибали рақиб устидан 3:1 ҳисобидаги ғалабани қўлга киритишди.

Даставвал, 25-дақиқада Мюррей ҳисобни очди. Орадан икки дақиқа ўтар-ўтмас Дафф "қизил иблислар" ҳимоясидаги парокандаликдан фойдаланиб ҳисобни 2:0 кўринишга келтирди.

34-дақиқада эса Ромелу Лукаку гол киритиб, ҳисобни қисқартиришга эришди. Биринчи бўлим сўнггида эса Эрик Байи ўз жарима майдони ичида рақибни қўполлик билан тўхтатиб қолди ва меҳмонлар дарвозаси томон пенальти белгиланди. 11 метрлик жарима зарбасини эса Гросс бехато бажарди - 3:1.

Иккинчи бўлим сўнггида Феллайнига нисбатан ишлатилган қўполлик туфайли белгиланган пенальтини Погба аниқ амалга оширжи - 3:2.  Шу тариқа, "қизил иблислар" мавсумдаги дастлабки мағлубиятларини иккинчи турдаёқ қабул қилиб олишди.

Фикрлар

Фикр қолдириш учун авторизациядан ўтинг!