Анзур Исмоилов АПЛ футболчиси билан ўйнайди
Ўзбекистон терма жамоаси ҳимоячиси Анзур Исмоилов ўйнаётган Хитойнинг "Чанчунь Ятай" клуби таркибини Англия премьер-лигасида тўп сураётган нигериялик ҳужумчи Одион Игало билан кучайтирадиган бўлди.
"Уотфорд" жамоаси 27 ёшли нигериялик ҳужумчи бўйича хитойликларнинг таклифни қабул қилди. Футболчининг ўзи эса "Чанчунь Ятай" жамоаси билан шахсий шартномасини келишиб олди.
"Чанчунь Ятай жорий мавсумда АПЛда 20 та учрашув ўтказиб, иккита гол урган ҳужумчи учун 20 миллион фунт тўлайдиган бўлди.
Ҳамюртимиз Анзур Исмоилов "Чанчунь Ятай" жамоасида 2011 йилдан буён тўп суриб келмоқда. Шу пайтгача 158 та учрашув ўтказиб, тўққизта гол урган.
Фикрлар