“Арсенал” футболчиси терма жамоада жароҳат олди

Германия терма жамоаси ва “Арсенал” клуби ҳимоячиси Шкодран Мустафи Озарбайжонга қарши (5:1) кечган ЖЧ–2018 саралаш босқичи сўнгги тур ўйинида жароҳат олди.

25 ёшли футболчи оёқларида оғриқ сезди ва 1-бўлимда захирага олинишини сўради. Унинг ўрнига Маттиас Гинтер майдонга тушди.

Маълумотларга кўра, Мустафи оёқ мушакларини шикастлаб олган. Тиббий текширувдан кейин унинг майдонга қайтиш муддати аниқ бўлади.