Australian Open. Istominni enggan Federer musobaqani tark etdi

Mukofot jamg‘armasi 21 mln 178 ming AQSh dollarini tashkil etuvchi turnirning to‘rtinchi davra uchrashuvlari bo‘lib o‘tdi. 

Turnirning ilk davrasida hamyurtimiz Denis Istominni engib, uni musobaqadan chiqarib yuborgan shveytsariyalik Rojer Federer bugun gretsiyalik Stefanos Tsitsipasga qarshi kortga chiqdi.

3 coat 50 daqiqa davom etgan bellashuvda tajribali Federer 20 yoshli raqibiga  7:6 (13:11), 6:7 (3:7), 5:7, 6:7 (5:7) hisobida imkoniyatni boy berdi va turnirni tark etdi.

Endi Tsitsipas yarim finalda ishtirok etish uchun ispaniyalik Roberto Bautista-Agutga qarshi kortga chiqadi.

Ma’lumot uchun, Avstraliya ochiq chempionati 27 yanvar kuni o‘z nihoyasiga etadi. Rojer Federer esa musobaqaning amaldagi g‘olibi sanalar edi.