“Барселона” устози “Эл-Класико” олдидан ғалати фикр билдирди

“Барселона” жамоаси бош мураббийи Эрнесто Вальверде “Депортиво”га қарши (4:0) Испания чемпионати 16-туридан кейин ўз фикрларини билдириб ўтди.  Мутахассис “Реал”га қарши “Эл-Класико”га урғу бериб ўтди.  

“Эл-Класико”да ғалабага эришсак ҳам бу бизга чемпионликни олиб келмайди. “Атлетико” айни вақтда биздан атиги 6 очкога ортда қолмоқда. Чемпионат эса ҳали ярмига ҳам етиб бормади, олдинда учрашувлар кўп.

“Реал”га қарши ўйин олдидан кайфият яхши. Тайёргарлик ҳам аъло даражада. Олдинда кучли рақибга қарши мураккаб ўйин кутиб турибди”, – деди Вальверде.

Эслатиб ўтамиз, Испания чемпионати 17-туридан ўрин олган “Реал” – “Барселона” тўқнашуви 23 декабрь куни “Сантьяго Бернабеу” стадионида ўтказилади..

Маълумот учун, Ла Лига 16-туридан кейин “Барселона” “Атлетико”дан 6 очко,”«Валенсия»дан  8 очко, заҳирасида битта ўйини бор “Реал”дан 11 очко олдинда бормоқда.