Бахтиёр Ашурматов: Уйда ғалаба қозона олмаганимиз учун мухлисларимиздан узр сўрайман

PEPSI Суперлига 16-тур учрашувлари доирасида АГМК ва “Нефтчи” ўзаро баҳс юритди ва 2:2 ҳисобида дуранг ўйнади. Ўйиндан сўнг ўтказилган матбуот анжуманида олмалиқликлар устози Бахтиёр Ашурматов ўз фикрлари билан ўртоқлашди. 

- Ўз уйимизда очко йўқотдик. Бунинг учун стадионга ташриф буюрган ишқибозларимиздан узр сўрайман. Афсуски, дуранг билан қаноатланишга мажбурмиз. Биринчи бўлимни анча яхши ўтказгандик. Кейин эса хатолар эвазига гол ўтказиб юбордик.

Ўйин охири анча шиддатли бўлди. Ҳар икки жамоа ҳам олдинга ташланди. Энди келаси учрашувларда бугун йўқотилган очколар ўрнини тўлдиришимиз лозим бўлади, - деди мутахассис.