"Челси" Игуаинни ўз футболчиси сифатида қачон эълон қилиши маълум бўлди

Мавсумни "Милан" сафида ижара асосида ўтказаётган "Ювентус" ҳужумчиси Гонсало Игуаин тез орада "Челси" футболчисига айланади.

Evening Standart нашри тарқатган хабарга кўра “аристократлар” 31 ёшли аргентиналик форварднинг трансферини 19 январь куни расман эълон қилишади. Игуаин бугун янги жамоаси сафида тиббий кўрикдан ўтиш учун Лондонга учиб келади. “Челси” уни кейинчалик яна бир мавсумга ижарага олиш ҳуқуқи билан мавсум якунига қадар ижарага олади.

Маълумот учун, Игуаин жорий мавсум “Милан” сафида А Серияда жами 15та ўйинда майдонга тушди ва ўз ҳисобига 6та гол ва 1та голли узатма ёздириб қўйишга эришди.