“Челси”ни кимлар қабул қилиб олишга тайёр? (Эркинжон Ғайбуллаев блоги)

Маурицио Саррининг “Челси”даги фаолиятига “қора булутлар” соя сола бошлади ва унинг сўнгги вақтларда клуб билан эришаётган қониқарсиз натижалари мураббийлик ўриндиғи қимирлашига озгина туртки бермоқда.

Ёзда унинг клуб бошқарувига келиши ОАВ орқали анча дабдаба билан кутиб олинганди. Аммо истак хақиқат дегани эмас. Италиялик мураббий Лондонга “Наполи” билан эришган натижалари ортидан ташриф буюрди. Неаполликлар билан ажойиб ўйин услуби ва рақамларга эришиш катта салоҳият эгаси эканлигини кўз-кўз қилди.

“Кўклар” эса янги мураббий қўли остида мавсумни анча кўтаринки кайфиятда бошлашди. Дастлабки 12 турда жамоа мағлубиятга учрамади. Аммо босқичма-босқич Саррининг Премьер Лигадаги иштироки изидан чиқиб борди. Бунда Саррининг собиқ шогирди Жоржиньонинг спорт формасини ушлаб қолишда қийинчиликка учраши сабаб бўлди. Камига лондонликлар ҳимояси ҳам парчаланиб кетди, олдинги чизиқда эса вариантлар камайиб кетди.

“Челси” мавсумни бой бераётган бир паллада “Манчестер Юнайтед” вақтинчалик бош мураббий Оле Гуннар Сульшер қўли остида ўзига кела бошлади. Шу тариқа Сарри шогирдлари кучли тўртликдаги ўрнини бўшатиб қўйишга мажбур бўлди.

Роман Абрамович қониқарсиз натижаларга эришаётган мураббийларга иккинчи имконият бермайдиганлар сирасига киради. Россиялик олигарх Саррини истеъфога чиқариши борган сари ҳақиқатга айланиб бормоқда. Шундай бўлса, клубни қайси мураббий ўз қўлига олиши мумкин? Қуйида бир неча вариантни кўриб чиқамиз.

Орзу: Френк Лэмпард

Ҳар қандай “Челси” мухлиси учун орзу вариант албатта Френк Лэмпарднинг келиши бўлади. Унинг қўлидан иккинчи Роберто Ди Маттео бўлиш келади. Мавсумнинг қолган қисмини йўлга қўя олиши мумкин.

Клубнинг барча даврлардаги энг яхши тўпурари “Стэмфорд Бридж”да иш бошлаш учун етарлича тажрибага эга эмас. Аммо мухлислар севимли ўғлининг қайтишини очиқ чеҳра билан кутиб олишади.

“Кўклар”ни 21-асрда Лэмпард номичалик бошқа бирорта футболчи изохлай олмайди. Ўз навбатида энг ақлли танлов бўлмаслиги ҳам мумкин. Чемпионшипда “Дерби Каунти” билан мураббийлик фаолиятига кириб келган собиқ ярим ҳимоячи ҳали кўп нарсаларни ўрганиши кераклиги кўриниб қолмоқда.

Лэмпард собиқ жамоасининг “Манчестер Сити”дан учралган йирик мағлубиятини кузатиш “ёқимли эмаслиги”ни тилга олди.

Ҳақиқат: Жанфранко Зола

Узоқ муддат учун идеал танлов бўлмайди. Италиялик мутахассиснинг мураббийлик фаолиятини ҳаминқадар дейишимиз мумкин. “Вест Хэм”, “Бирмингем Сити”, “Уотфорд” ва бошқа кўплаб клублардаги фаолиятини юксак эътироф эта олмаймиз.

Зола “Вест Хэм”да бахтсиз одамга айланди. Унинг қўли остида клуб хўжайинлари ярим ҳимоячи Скотт Паркердан ташқари қолган бутун таркибни сотишини айтди. 2009/10-йилги мавсумда Золани Авраам Грант алмаштирди. Кейин Зола “Уотфорд”ни бошқарди. Аммо у ердан 2013-йил декабрида кетди.

Унинг иштирокида “Уотфорд” октябрь ойидан бошлаб бирорта ғалаба қозонмади. Сўнгги беш уй учрашувини мағлубият билан тугатди. Унинг омадсиз фаолияти бошқа клубларда ҳам давом этди. Зола бошқарган сўнгги клуб “Бирмингем” бўлди. У клубни 24 ўйинда атиги икки ғалабага эришган ҳолда тарк этди.

Унинг таржимайи ҳолини энг зўри дейишдан йироқмиз. Аммо реал вариантларнинг камлиги боис айнан италиялик мураббий “Челси”ни мавсум охиригача бошқаришга қурби етади.

Джокер: Жозе Моуриньо

Моуриньо “Челси”нинг энг омадли мураббийи ҳисобланади. У клуб билан Премьер Лигани дастлабки мавсумидаёқ қўлга киритди. Жамоанинг 50 йил ичида илк марта чемпионга айланишида португалиялик мураббийнинг ҳиссаси катта. У бу натижасини иккинчи мавсумида ҳам такрорлашга эришди.

Моуриньо клубни Абрамович билан бўлган ўзаро зиддиятлари сабаб тарк этишга мажбур бўлди. Аммо Италия ва Испаниядаги муваффақиятли фаолиятидан кейин орадан беш йил ўтиб яна “Стэмфорд Бридж”га қайтди. Клубга иккинчи марта қайтганидан кейин жамоани яна Премьер Лига ғолибига айлантиришнинг уддасидан чиқди. Аммо иккинчи мавсумида содир бўлган қониқарсиз натижалар чиқиш эшикларини кўрсатиб қўйди. Лондонликлар Премьер Лиганинг 16 учрашувидан нақ тўққизтасида мағлубиятга учради.

“Олд Траффорд”ги иши қандай якун топганини инобатга олсак бирорта топ клуб футбол тарихидаги энг жанжалкаш мураббийни ўзига жалб қилишни қаттиқ ўйлаб кўради. МЮга ЕЧЛ га чиқишига ёрдам берган мутахассис “Челси”га ҳам бундай имкониятни тақдим қила олади.

Фикрлар

Фикр қолдириш учун авторизациядан ўтинг!
&
darwesh
21/02/2019 20:47
Карло анчелотти хам яхши номзод
&
darwesh
21/02/2019 20:47
Зинедин Зидан