Дарко Станоевич "Сурхон" сафига келиб қўшилди

Сўнгги икки мавсумни Наманганнинг “Навбаҳор” клубида ўтказган сербиялик ҳимоячи Дарко Станоевич фаолиятини Про-лига жамоасида давом эттириши мумкин.

Берилган маълумотларга қараганда 31 ёшли футболчи бугун ватанидан Тошкентга учиб келган ва у собиқ устози Илҳом Мўминжонов бошчилигидаги “Сурхон” клуби йиғинига қўшилган.

Маълумот учун, Станоевич ўтган мавсум “Навбаҳор” сафида Суперлигада жами 25та ўйинда иштирок этди ва ўз ҳисобига 2та гол ёздириб қўйишга эришган.