Ди Мария ПСЖ билан шартномасини узайтиради

ПСЖ ярим ҳимоячиси Анхель Ди Мария клуб билан амалдаги шартномасини узайтиради. Бу ҳақда Le Parisien нашри хабар бермоқда.

Юқоридаги манбаанинг ёзишича 30 ёшли аргентиналик футболчи ва унинг оиласи Париждаги ҳаётидан тўлиқ қониқиш ҳосил қилишмоқда. Шу боис футболчи тез орада парижликлар билан амалдаги шартномасини узайтиришни режлашатирмоқда. Янги келишув эса 2021 йилга қадар тузилади.

Маълумот учун, Ди Мария ПСЖ сафида ўтган мавсум жами 45та ўйинда иштирок этган ва ўз ҳисобига 21та гол ҳамда 12та голли узатма ёздириб қўйишга эришган.