Донна Векич: Ўтган мавсум мени ўзгартирди

Дунёнинг 34-ракеткаси, хорватиялик Донна Векич 2018 йилги мавсумдаги иштироки ҳақида тўхталиб ўтди.

"Менимча, 2018 йилда муҳим қадам ташладим. Мен йил бошида "Катта дубулға" турнирларининг иккинчи ҳафтасидаги баҳсларда иштирок этишни мақсад қилгандим. Бу мақсадга Уимблдонда эришдим. Бу эса менинг ютиқларимдан бири бўлди. Ўзимга ишончим ошди ва муҳим учрашувларда ғалаба қозондим.

Мен доимо аниқ нарсаларга ишонганман. Мен ҳар қандай теннисчини енга оламан. Мен ўз мавқейимни биламан. Энди мен ўз кучимга ишона бошладим", - дейди Векич.