Emelyanenko keyingi jangini Rossiyada o‘tkazadi

Rossiyalik aralash yakkakurashlar jangchisi Aleksandr Emelyanenko keyingi jangini 4 may kuni RCC promousheni doirasida o‘tkazishi ma’lum bo‘ldi.

- Promoushen doirasida Chelyabinskda 6-marotaba turnir tashkillashtiramiz. Musobaqaning asosiy jangida Aleksandr Emelyanenko ishtirok etadi. Uning raqibi kim bo‘lishi hali noma’lum. Tan olish lozim, nomzodlar ichida Fransimara Barroso ham bor, - dedi Nikolay Klimenko promoushen direktori.

Ma’lumot uchun, jarohati tufayli Emelyanenko dekabr oyida Barrosoga qarshi bellashuvni o‘tkazib yuborishga majbur bo‘lgandi.