“Монако” хавбеки Сеск Фабрегас “Челси”даги собиқ жамоадоши Эден Азарнинг “Реал”га ўтиши ҳақидаги хабарларга ўз муносабатини билдириб ўтди.

“Азар “Челси” сафида энг камида яна 1,5 йил қолиши мумкин ва у ҳозир жамоада бахтли. Агар у Лондондан кетишни хоҳласа, фақат “Реал”га ўтиши мумкин ва у буни ўзи ҳал қилишши керак. Мен унга омад тилайман”, - дейди испаниялик футболчи.

Эслатиб ўтамиз, бундан аввалроқ бельгиялик футболчи мавсум якунлангач “Реал”га ўтиши ҳақида хабарлар тарқалган эди. У жорий мавсум “аристократлар” сафида жами 24та ўйинда майдонга тушди ва ўз ҳисобига 12та гол ҳамда 10та голли узатма ёздириб қўйишга эришди.