Fabregas ko‘proq o‘yin amaliyotiga ega bo‘lmoqchi

“Chelsi” yarim himoyachisi Sesk Fabregas ko‘proq o‘yin amaliyotiga ega bo‘lishni xohlamoqda. 31 yoshli futbolchi bu mavsum APLda atigi 3 ta o‘yinda maydonga tushgan.

– Men “Stemford Brij”da baxtliman, ammo barcha futbolchilar ko‘proq o‘ynashni xohlashadi. Men hech kim bilan muzokaralar olib bormadim, biroq mening shartnoma mavsum yakunida tugaydi. Bu yanvarda boshqa jamoalar bilar aloqaga chiqishim kerakligini anglatadi. Ko‘plab jamoalar qiziqish bildirmoqda. Mavsum oxiriga qadar “Chelsi”da qolamanmi? Hozir ha deb javob bera olaman, – deydi Fabregas.