Гадоев ва Турсунов тўп сурадиган клуб қаторасига уч ўйинда мағлуб бўлди

Ҳамюртларимиз Санжар Турсунов ҳамда Шохрух Гадоевлар фаолият олиб борадиган "Тэджон Ситизен" жамоаси бу тур сафарда "Сеонгнам" билан  куч синашди.

Мазкур беллашувда мезбонлар 2:0 ҳисобидаги ишончли ғалабани қўлга киритишди. Турсунов бугунги учрашувни асосий таркибда бошлади ва 79-дақиқада захирага олинди. Гадоев эса 52-дақиқада ўйинга қўшилди.

Қайд этиш жоиз, ушбу мағлубият "Тэджон Ситизен" учун кетма-кет учинчиси бўлди. Жамоа бунга қадар "Сувон Сити" (2:3) ва "Пусан Ай Парк" клубларига имкониятни бой берган эди.

34-турдан сўнг "Тэджон Ситизен" 49 очко билан турнир жадвалида 4-ўринда бормоқда. 

К Лига-2. 34-тур

"Сеонгнам" - "Тэджон Ситизен"  2:0.