"Реал" битта шарт билан Мбаппени сотади

«Реал Мадрид» клуби жамоанинг етакчи ҳужумчиси Килиан Мбаппе билан шартнома узайтирилмаса, уни сотишга тайёр. Бу ҳақда журналист Хуан Хесус маълумот берган.

Манбага кўра, клуб президенти Флорентино Перес француз ҳужумчисининг келажаги борасида аниқ позицияга эга: агар келаси ёзгача Мбаппе шартномани узайтирмаса, у трансферга қўйилади. «Қаймоқранглилар» футболчи шартномасининг якунига бир йил қолган ҳолатга йўл қўйишни истамаяпти.

Аввалроқ Мбаппе «Реал»дан кетиш имкониятини кўриб чиқаётгани ҳақида хабарлар тарқалганди. У Мадридда етарлича муҳаббат ва ишонч сезмаётгани айтилмоқда. Журналист Франсуа Гальярдо маълумотича, ҳужумчи Англия чемпионатида ўзини синаб кўришни хоҳламоқда.

Эслатиб ўтамиз, «Реал» Мбаппени 2024 йилда эркин агент сифатида ўз сафига қўшиб олган эди. Унинг амалдаги шартномаси 2028/29 йилги мавсум охирига қадар мўлжалланган.