Гарет Саутгейт Англияда "Йил мураббийи" деб топилди

Англия терма жамоаси бош мураббийи Гарет Саутгейт мамлакатнинг 2018 йилдаги энг яхши мураббийи деб топилди. Бу ҳақда Англия футбол ассоциацияси расмий сайти хабар бермоқда.

Эслатиб ўтамиз, Саутгейт бошқарувидаги Англия терма жамоаси жорий йил ёзда Россия яшил майдонларида бўлиб ўтган жаҳон чемпионатида муваффақиятли иштирок этиб, ярим финалга қадар етиб борди. Бу эса инглизларнинг сўнгги 28 йил ичидаги мундиаллардаги энг яхши натижаси бўлди.