Гаттузо: Игуаин "Милан"дан кетса, бундан хафа бўлмайман

"Милан" клуби бош мураббийи Женнаро Гаттузо ҳужумчи Гонсало Игуаиннинг жамоадан кетиши ҳақидаги хабарларга ўз муносабатини билдириб ўтди.

“Мен Гонсалонинг жамоадан кетмоқчилиги ҳақида эшитмадим. У яхши шуғулланяпти ва бизнинг қароргоҳимизда бўлиб турибди. Биз Игуаиннинг сўнгги қарорини эълон қилишини кутяпмиз. Шахсан мен у “Милан”дан кетса ҳам хафа бўлмайман. Чунки, мен ҳам футболчи бўлганман ва баъзан бундай ҳолатлар учраб туриши биламан. Бошқалар устидан ҳукм чиқара олмаймиз, чунки улар бошидан нималарни ўтказишаётганини билмаймиз”, - дейди Гаттузо.

Эслатиб ўтамиз, бундан аввалроқ Игуаиннинг “Челси”га ўтиши ҳақида хабарлар тарқалган эди.