Ҳамиджон Актамов: Бугун омад ҳар иккала жамоадан юз ўгирди

Хабарингиз бор кеча Суперлиганинг қолдирилган 14-тур учрашувлари бўлиб ўтди. Жумладан, шу куни Қаршининг “Насаф” клуби ўз майдонида Навоийнинг “Қизилқум” клубини қабул қилди. Учрашув 0:0 ҳисобида якунланди.

Ўйиндан сўнг ўтказилган матбуот анжуманида иштирок этган навоийликлар бош мураббийи Ҳамиджон Актамов ўзининг учрашув ҳақидаги фикрларини билдириб ўтди.

“Бугун ҳар иккала жамоа чиройли  ўйин намойиш этди. Фикримча ҳақиқий футбол бўлди. Ҳар иккала жамоа яратган вазиятларидан фойдалана олмади. Омад ҳар иккала жамоадан юз ўгирди. “Насаф” бугун яхши ҳимояланди. Бу орқали ҳужумчиларимизга ҳам қийин бўлди. Охирги нуқтани қўя олмадик. Менимча, мухлислар бугунги ўйиндан завқ олишди. Ҳисоб ўйинга мос бўлди.  “Насаф”нинг кейинги ўйинларига омад тилаб қоламан”, - дейди тажрибали мутахассис.