Ибрагимович: Руни келгач "Ди Си Юнайтед" сезиларли тарзда кучайди

АҚШнинг "Лос-Анжелес Гэлакси" клубида фаолият олиб бораётган ҳужумчи Златан Ибрагимович "Ди Си Юнайтед" форварди Уэйн Рунининг жорий мавсум кўрсатаётган ўйинлари ҳақида гапириб ўтди.

“Уэйн МЛСда ўзини ажойиб намойиш қилмоқда. У "Ди Си Юнайтед"ни сезиларли тарзда кучайтирди ва жамоа унинг бошчилигида яхши натижалар қайд этмоқда. Чунки, Руни келгунича бу жамоа нисбатан ёмонроқ ўйин кўрсатарди. Руни ва унинг қандай даражадаги футболчи эканлиги барчага аён”, - дейди швециялик футболчи.

Эслатиб ўтамиз, 33 ёшли Руни жорий мавсум ҳозирча 18та ўйинда майдонга тушди ва бу учрашувларда рақиблари дарвозасига 10та гол уришга эришди.