Ўзбекистон жаҳон чемпионатида нечта гол уриши айтилди

Таниқли россиялик футбол агенти ва инсайдер Тимур Гурцкая Ўзбекистон миллий терма жамоасининг 2026 йилги жаҳон чемпионатидаги имкониятларига баҳо берди.

Ўз тарихида илк бор мундиалда қатнашадиган Ўзбекистон миллий терма жамоаси “К” гуруҳидан чиқиш учун Колумбия, Португалия ва Конго Демократик Республикаси футболчилари билан рақобатлашади.

Тимур Гурцкаянинг YouTube-каналидаги суҳбати қуйидагича кўриниш олди.

- Менинг прогнозимча, Элдор Шомуродов жаҳон чемпионатида бир нечта гол уради.

- Менимча, сен жуда ошириб юбординг. Колумбия ва Португалия, яна Конго... Сен уларни  шунчаки кузатмагансан. Конго доим дарвозаси даххлсиздигини ушлаб туради ва қуруқ ҳисобда ўйнайди. У ерда Шансель Мбемба ўйнайди... Биз уни “Динамо Москва”га деярли олиб бўлгандик, аммо Станислав Черчесовнинг раҳбарлар билан жанжали сабаб Москвагача етиб кела олмаган.

- Демак, унинг ёши элликка бориб қолганми?

-  Йўғе, ўттиздан ошган, буниси аниқ. Ўшанда у аллақачон ўйновчи мураббий эди. Қолаверса, у 19 ёки 20 ёшида “Андерлехт”да ўйнаган.

- Сенингча, ўзбеклар нечта гол уришади?

-  Менимча, ўзбеклар битта гол урса ҳам ёмон эмас.

- Умуман жаҳон чемпионатида биттами?

- Учта ўйинда. Битта гол  ёмон эмас, иккита бўлса, жуда зўр бўлади.

Ўзбекистон миллий терма жамоаси айни пайтда бўлажак жаҳон чемпионатига италиялик мутахассис Фабио Каннаваро қўл остида тайёргарлик кўрмоқда.

Каннаваро бундан йигирма йил аввал Италия миллий терма жамоаси сафида жаҳон чемпиони бўлган ва ўша йили футболчиларнинг энг нуфузли индивидуал соврини – “Олтин тўп” билан тақдирланган.

Ўзбекистон билан бўладиган ўйин олдидан Роналдуга қаттиқ талаб қўйилди

Ўзбекистон билан ўйин бор! Колумбия юлдузи фаолиятини якунламайдиган бўлди

Ҳусанов катта янгилик кутмоқда

Ҳусанов Рамазонда мени ҳайратга солган!

“Сити”ни биринчи ўринга кўтаришга ҳисса қўшган Ҳусановнинг ўйини қандай баҳоланди?

“Сити” чемпионлик курашига қайтган тўқнашувда Ҳусановнинг ўйин қандай баҳоланди?