"Ифтихор" янги мавсумда муносиб қатнашмоқчи

Ўтган мавсум Про-Лига "Б" гуруҳида иштирок этган Олтиариқнинг  "Ифтихор" клуби янги мавсумда муносиб иштирок этишни мақсад қилмоқда.

Олдинги мавсумдаги камчиликлардан тегишли хулосаларни чиқарган жамоа раҳбарлари янги мавсумда мухлисларни хурсанд қилишни режалаштирган. Жамоа аъзолари «Ҳоким кубоги - 2019» даги иштирокидан сўнг, қисқа таътилга чиқишган эди. Энди футболчилар 23 февралдан бошлаб бу йилги мавсумга тайёргарликни давом эттиришади.

Таъкидлаш керакки "Ифтихор" ўз сафига бир қатор янги футболчиларни таклиф қилган. Бу мавсумда жамоа олдига катта мақсадлар қўйилган. «Ифтихор» титул ҳомийга ҳам эга бўлиш арафасида.