Мавсумни “Милан” сафида ижара асосида ўтказаётган “Ювентус” ҳужумчиси Гонсалу Игуаин "Челси"га ўтишга жуда яқин турибди. Бу ҳақда Football Italia нашри хабар тарқатмоқда.

Юқоридаги манбаага кўра 31 ёшли аргентиналик футболчи “аристокрталар” сафига яқинлашиб келаётган қишки трансферлар чоғидаёқ қўшилади. Гап шундаки, “россонерилар” УЕФАнинг молиявий фэйр-плей қоидасини бузмаслик учун ўз бюджетини қисқартиришларига тўғри келади. Шу боис ҳам улар “Ювентус” футболчисини сотиб олиш фикридан қайтишган.

Ўз навбатида “Челси” ушбу вазиятдан фойдаланиб уни таркибга қўшиб олмоқчи. Боиси, лондонликлар устози Маурицио Сарри Игуаин билан ўз вақтида “Наполи”да бирга фаолият юритган ва унинг имкониятларини яхши билади. Италиялик мутахассиснинг фикрича Гонсало “Челси”га ёрдам бера олади.

Маълумот учун, Игуаин жорий мавсум “Милан” сафида жами 16та ўйинда майдонга тушди ва ўз ҳисобига 7та гол ҳамда 2та голли узатма ёздириб қўйишга эришган.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98