Жоковичда иккинчи ғалаба, Монфис эса ишончни оқламади
Буюк Британиянинг Лондон шаҳрида Профессионал теннисчилар уюшмасининг - АТР якуний чемпионати ўйинлари қизғин паллага кирди.
Мукофот жамғармаси етти ярим миллион АҚШ доллари бўлгани мусобақанинг Иван Лендль гуруҳида Новак Жокович иккинчи ғалабасини нишонлаб муддатидан олдин плей-офф босқичига чиқди.
Бу гал сербиялик теннисчи Канада вакили Милош Раонични 7:6, 7:6 ҳисобида мағлубиятга учратди.
Биринчи турда Новак Жоковичга имкониятни бой берган австриялик Доминик Тим иккинчи учрашувда франциялик Гаэль Монфисни 6:3, 1:6, 6:4 ҳисобида мағлуб этиб, ярим финалга чиқиш имконини сақлаб қолди.
Фикрлар