Жошуа: Уайлдерни нокаутга учратаман

Супер оғир вазн тоифасининг WBA Super, WBO, IBF ва IBO чемпионлик камарлари соҳиби Энтони Жошуа келажакдаги режалари ҳақида тўхталиб ўтди. Унинг энг катта режаларидан бири ушбу вазнда WBC титули соҳиби Деонтей Уайлдер билан камарларни бирлаштирувчи жангни ўтказиб бўлиб турибди.

– Уайлдерга Диллиан Уайтнинг сўзлари билан мурожаат қиламан: “Қизалоқ, кел буни (жангни) ташкил қиламиз”. Деонтейни мағлуб қилиш учун менга нима керак? Шунчаки уни мен билан битта рингга олиб келинг ва мен уни нокаут қиламан, – дея Жошуанинг сўзларини келтиради BoxingScene нашри.

Эслатиб ўтамиз, Жошуа Кардиффда ўтган камарларни бирлаштирувчи жангда янгизеландиялик Жозеф Паркерни мағлуб этиб, титуллари қаторига WBO камарини ҳам қўшиб қўйди.