Кроос ёки Модричдан бири "Реал"ни тарк этиши мумкин

Мадриднинг "Реал" клуби президенти Флорентино Перес жорий трансферлар даврида жамоанинг етакчи ярим ҳимоячилари – Тони Кроос ва Лука Модричлардан бирини сотиб юбориши мумкин.

Испан ОАВлари тарқатган хабарга кўра агар “қироллик клуби” "Ювентус" ярим ҳимоячиси Миралем Пьянични қўлга кирита олса, юқорида номлари тилга олинган футболчилардан бири жамоани тарк этади.

Айтиш лозимки “кекса синьора” 28 ёшли босниялик футболчисини 100 млн еврога баҳоламоқда.

Эслатиб ўтамиз, бундан аввалроқ Модричга "Ювентус" ва "Бавария", Кроосга эса "Манчестер Юнайтед" клублари қизиқиш билдираётгани ҳақида хабарлар тарқалган эди.