"Liverpul" Vida bilan kelishuvga erishdi

Angliyaning “Liverpul” klubi xorvatiyalik himoyachi Domagoy Vidaning transferi borasida “Beshiktosh” bilan muzokaralarni davom ettirmoqda.

A Spor nashri tarqatgan xabarga ko‘ra mersisaydliklar allaqachon 29 yoshli futbolchi bilan shaxsiy kelishuvga erishib bo‘lishgan. Unga ko‘ra agar transfer amalga oshsa, Vida “Liverpul” bilan “2+1” ko‘rinishida shartnoma imzolaydi.

Endi gap faqat turk klubini ko‘ndirishda. “Beshiktosh” Vida uchun 25 mln evro talab qilmoqda.

Eslatib o‘tamiz, Vida “Beshiktosh” safiga bundan 5 yil muqaddam Kievning “Dinamo” klubidan erkin agent sifatida kelib qo‘shilgan edi.