ФИФА икки ғалабадан сўнг Ўзбекистон терма жамоаси бўйича қарор қабул қилди

Ўзбекистон миллий футбол жамоаси Эрон ва Сурияга қарши ўртоқлик учрашувларида қозонган ғалабалардан сўнг ФИФАнинг live-рейтинг жадвалида 59-поғонага кўтарилди.

Учинчи октябрь ҳолатига кўра, Ўзбекистон терма жамоасининг ҳисобида 1420,31 рейтинг очкоси мавжуд. Бу кўрсаткич охирги расмий рейтингга нисбатан бир поғона юқори, чунки унда жамоа 60-ўринни эгаллаб турган эди.

24 сентябрь куни Ўзбекистон Эронни 3:1 ҳисобида мағлуб этди ва 6,83 рейтинг очкосини қўлга киритди. 

1 октябрда эса терма жамоа Сурия устидан 4:1 ҳисобида ғалаба қозониб, яна 3,75 очко қўшиб олди. 

Шу тариқа, икки ўйин жами 10,58 рейтинг очкоси олиб келди.

Ўзбекистондан бир поғона юқорида Босния ва Герцеговина жамоаси жойлашган. У Швеция билан 1:1 ҳисобидаги дурангдан сўнг 1420,36 очко тўплаб, 58-ўринни эгаллаб турибди. 

Икки жамоа орасидаги фарқ атиги 0,05 очкони ташкил қилади. Ўзбекистондан кейинги поғоналарда эса Қатар (60-ўрин, 1416,28 очко) ва Тунис (61-ўрин, 1415,38 очко) жой олган.

Миллий жамоанинг навбатдаги ўртоқлик учрашуви 6 октябрь куни сафарда Жанубий Кореяга қарши ўтказилади.

Жанубий Корея – Ўзбекистон: Бу гал ким ютади?

Ўзбекистоннинг Осиё ўйинлари медаллар жадвалидаги якуний ўрни аниқ бўлди

Ҳусановга “Манчестер Сити”дан муносабат келди

Осиё ўйинлари-2026: Медаллар жадвалида Ўзбекистоннинг ўрни ўзгарди

Ҳусанов ҳақида қизиқ фактлар маълум қилинди