Лопетеги Перес давридаги энг оз вақт ишлаган иккинчи мураббий бўлди

Кеча оқшом Мадриднинг “Реал” клуби ўзининг бош мураббийи Хулен Лопетегини истеъфога чиқаргани ҳақида маълум қилди.

Таъкидлаш керакки, 52 ёшли испаниялик мутахассис “қироллик клуби”ни бор йўғи 137 кун давомида бошқарди. Marca нашрининг ёзишича бу Флорентино Переснинг президентлик давридаги иккинчи кўрсатгич бўлди. Боиси, 2004 йил “Реал” бош мураббийи этиб тайинланган Хосе Антонио Камачо 117 кунлик фаолиятдан сўнг ўз хоҳишига кўра лавозимидан озод этилган.

Эслатиб ўтамиз, энди “Реал”ни вақтинча ёшлар жамоаси мураббийи Сантиаго Солари бошқариб туради.