Льоренте: "Тоттенхэм" бу мавсум кўп совринларни қўлга киритиши мумкин

Лондоннинг “Тоттенхэм” клуби ҳужумчиси Фернандо Льоренте янги жамоасининг кучига шубҳа қилмаяпти.

“Тоттенхэм” АПЛнинг энг кучли жамоаларидан бири. Бу мавсум кўплаб совринларни қўлга киритамиз деб ўйлайман. Бунинг учун эса ўз устимизда ишлашда ва ўйинимизни яхшилашда давом этишимиз керак. Чемпионат жуда узоқ.

“Уэмбли”да ғалаба қозониш эса ўта муҳим. Биз баъзи вазиятларда қийинчиликларга дуч келмоқдамиз, аммо буларни бартараф этишга ҳаракат қиламиз”, - дейди испаниялик футболчи.

Эслатиб ўтамиз, “шпорлар” ҳозирча премьер-лиганинг жорий мавсумида ўз майдонларида ўтказган 2та баҳсда ҳам ғалаба қозона олишмади.

Маълумот учун, Льоренте "Тоттенхэм" сафига ёзги трансферлар даврининг сўнгги кунида "Суонси"дан келиб қўшилган эди.