Льюис Хэмилтонга Японияда ҳам ета олишмади

Япониянинг Сузука трассасида “Формула-1” мусобақаси бўйича Гран-при баҳсларида ғолиб ва совриндорлар номи аниқ бўлди.

Мусобақанинг ҳал қилувчи пойгасида “Мерседес” жамоаси аъзоси Льюис Хэмилтон 53 айланани биринчилардан бўлиб босиб ўтди. 

Унинг жамоадоши Валттери Боттас эса маррага +12,919 сония кеч келди ва иккинчи бўлди. “Ред Булл” жамоаси пойгачиси Макс Ферстаппен  кучли учликни якунлаб берди.

Ушбу Гран-придан сўнг Льюис 331 очко билан шаҳсий ҳисобда ҳам карвонбошилик қилмоқда.  Себастьян Феттель 264 очко билан иккинчи,  Валттери Боттас эса 207 очко билан учинчи поғонадан ўрин олган.