Люсьен Фавр барчани ҳайрон қолдиришда давом этмоқда

Хабарингиз бор Дортмунднинг "Боруссия" клуби кеча ўз майдонида "Бавария"ни (3:2)  мағлубиятга учратди.

Дортмундликларга ғалаба келтирган голни 59-дақиқада захирадан майдонга туширилган ҳужумчи Пако Алькасер киритди. Эътиборлиси, жорий мавсум “Боруссия”нинг 18та голига айнан захирадан учрашувга қўшилган футболчилар муаллифлик қилишди.

OptaFranz нашри тарқатган хабарга кўра “Боруссия” Дортмунд бу кўрсатгич борасида Европанинг топ-5 чемпионатларида жорий мавсум етакчилик қилмоқда. Улар бу борада ўзларининг энг яқин таъқибчиларини нақд 10та голга ортда қолдиришмоқда. Шундан келиб чиқиб айтиш мумкинки, Люсьен Фавр айни дамда энг топағон мураббий ҳисобланади.