"Манчестер Юнайтед" ўзига Голландиядан зўр ҳужумчи топди

Эйнховеннинг ПСВ клуби ҳужумчиси Стивен Бергвейн “Манчестер Юнайтед”нинг қизиқишлар доирасига кириб қолди. Бу ҳақда The Sun нашри хабар бермоқда.

Юқоридаги манбаага кўра “қизил иблислар” 21 ёшли голландиялик футболчини жорий қишки трансферлар чоғидаёқ ўз сафларига қўшиб олишмоқчи ва бунинг учун эйндховенликларга 28 млн евро тўлашга тайёр.

Маълумот учун, Бергвейн асли ПСВ тарбияланувчиси ҳисобланади. У жорий мавсум 24та ўйинда майдонга тушди ва ўз ҳисобига 10та гол ҳамда 8та голли узатма ёздириб қўйишга эришди. Унинг клуб билан амалдаги шартномаси 2022 йилга қадар имзоланган.