Мексика терма жамоаси ярим ҳимоячиси жаҳон чемпионатлари тарихига кирди

Мексика терма жамоаси ярим ҳимоячиси Хесус Гальярдо айни дамда давом этаётган Швецияга қарши баҳснинг бошидаёқ ҳакам томонидан сариқ карточка билан огоҳлантирилди.

Opta нашри тарқатган хабарга кўра ЖЧ-2018нинг 15-сониясида огоҳлантирилган Гальярдо жаҳон чемпионатлари тарихида энг тезкор сариқ карточка олган футболчига айланди.

Бундан аввалги энг тезкор сариқ карточка ЖЧ-1986да уругвайлик Хосе Батистега (51-сония) кўрсатиган эди.