"Milan" o‘tgan mavsumdan buyon davom etib kelayotgan qora an’anaga barham berdi

Xabaringiz bor kecha “Milan” A Seriyaning 11-turida safarda “Udineze”ni 0:1 hisobida engdi.

Football Italia nashri tarqatgan xabarga ko‘ra “rossonerilar” chempionat doirasida joriy yilning aprel oyidan buyon ilk marta o‘z darvozalari dahlsizligini saqlab qola olishdi.  Ayniqrog‘i, ular so‘nggi bor 15 aprel kuni “Napoli”ga qarshi bo‘lib o‘tgan bahsda gol o‘tkazib yuborishmagan edi.

Aytish lozimki, Jennaro Gattuzo shogirdlari bungacha A Seriyada qatorasiga 16ta o‘yindan buyon o‘z darvozalaridan gol o‘tkazib yuborishayotgan edi.

Ma’lumot uchun, “Milan” kechagi g‘alabadan so‘ng ochkolari sonini 21taga etkazib oldi va musoba jadvalida 4-o‘ringa ko‘tarildi.