“Насаф” Туркияда 4 карра Ироқ чемпионини мағлуб этди
Янги мавсумга Туркияда тайёргарлик кўраётган Қаршининг “Насаф” клуби бугун йиғин доирасида навбатдаги назорат учрашувини ўтказди.
Бу сафар “аждарлар”га Ироқ Премьер-лигасида иштирок этувчи “Эрбил” клуби рақиблик қилди. Учрашувда қаршилик 4 карра Ироқ чемпионларини 2:1 ҳисобида ғалабага эришди.
“Насаф”нинг ҳар иккала голини тожикистонлик Жаҳонгир Алиев киритди. Клуб расмий сайтида ёзилишича, қаршиликлар эртага Туркия йиғини доирасида ўзларининг сўнгги назорат учрашувларини ўтказишади.
Фикрлар