Нега «Ливерпуль» ўйин тизими “Арсенал”никидан яхшироқ?

Германияллик мутахассис Юрген Клопп «тўпчилар»ни бошқариш учун доим асосий номзодлардан бири бўлиб келган. Бироқ Унай Эмерининг «Арсенал»даги ажойиб старти бу иш ҳали бери амалга ошмаслигини кўрсатмоқда.

Ривожланиш учун яхши формуласи бўлмасада испаниялик мутахассис клубда барчасини йўлга қўймоқда.

Алоҳида деталлар бўйича ҳали тўла-тўкис яхшиланишга эришилмагандир, аммо жамоанинг кўрсатаётган умумий натижалари таҳсинга сазовор. «Арсенал» ўтган ҳафтада қаторасига саккизинчи ғалабасини қўлга киритишига атиги саккиз дақиқа етмади. Лука Миливоевичнинг «Кристал Пэлас»и Эмерининг «Арсенал»ини тўхтата оладиган жамоа бўлиб чиқди. «Тўпчилар» 12 ўйинда 11 ғалабага эришган.

Эмери энг яхши тажрибаларининг қоришмасидан янги ғоялар ишлаб чиқадиган мураббийлар тоифасидан. У «Севилья» ва «Валенсия»да қўллаган 4-2-3-1 ўйин схемасини Лондон шимолида ҳам амалга татбиқ қилмоқда. Унинг таркибида ярим ҳимоячи ва ҳужумчилар идеал тарзда қанот вингерларига айланишади. Генрих Мхитарян, Пьер-Эмерик Обамеянг, Месут Ўзил, Алекс Ивоби ва Дэнни Уэльбеклар янги услубда ўзларини ижобий тарафдан кўрсатишга эришмоқда.

Бундай қайта «уйғониш»нинг ажойиб намуналари бор. Айниқса Эмерининг шогирдлари Юрген Клоппнинг бошқаларга ўхшамайдиган 4-3-3 схемасига дуч келган ўйин эътибордан четда қолмайди. «Бундай услубда кўплаб футболчилар билан ҳужумкор ўйин кўрсатадиган бошқа бирорта жамоа йўқ» – деганди бундан икки йил аввал Пеп Гвардиола Клопп жамоаси ҳақида гапираркан.

Бу Муҳаммад Салоҳ жамоага келишидан олдин айтилган гаплар. Бироқ тамойиллар ўша-ўша. «Арсенал»нинг янги услуби ҳам мана шунга ўхшайди. Ярим ҳимоя ва ҳужум чизиқларининг барча вакиллари рақиб жарима майдончаси яқинида «изғиб юришади». Қанот ҳимоячилари эса уларга қўшимча куч вазифасини бажаришади. Айниқса Эктор Бельерин Эмерининг яширин қуролига айланиб бормоқда. Бундан ташқари Начо Монреаль ва Сеад Колашинац ҳам унинг вазифасини бажара олади.

Энди «Арсенал» футболчиларини «Ливерпуль»даги рақиблари ўрнида тасаввур қилиб кўрингчи? Ҳеч ким вингер вазифасини ўхшата олмайди. Уларнинг барчаси марказий ҳужумчига айланишади.

Обамеянг чап қанотда ўзини кўрсатишга уриниб кўриши мумкин. Бу Садио Маненинг мажбуриятларини бажариш дегани. «Клопболл»да Александр Ляказетт Муҳаммад Салоҳнинг ўрнини, хусусан ўнг қанотни эгаллайди.

Месутнинг янги вазифаси?

Роберто Фирмино ўрнига Месут Ўзил бўлсачи? Клопп ватандошининг ҳимоячисига айланиши мумкин. Гарчи «Арсенал»нинг энг кўп маош олувчи футболчиси бразилиялик ҳужумчининг нусхаси бўла олмаса ҳам. У рақибга босим уюштириши шартмас.

Ўзил бир вақтлар Германия термасида «алдамчи тўққизлик» вазифасини қойилмақом тарзда бажарган. Бундай тажриба унга «алдамчи ўнлик»да марказий ҳужумчига айланишига ёрдам беради. Бироқ бундай вазифани яна бир муқобил вариант – Мхитарян ҳам уддалай олади.

Хуллас икки жамоада ўхшашликлар кўп. Эмерининг «Эмирейтс Стэдиум»да қилган яна бир иши бу Клопп каби жамоасига тезлик қўшганида. «Арсенал» германиялик мутахассиснинг жамоаси каби спринтлар ва масофани босиб ўтиш бўйича статистикаларда анча юқорилаган. Бу дегани иккала мураббий юқорироқ ҳимояланади дегани.

Якшанба куни «Арсенал» майдонида қанақа натижа қайд этилишидан қатъий назар «Ливерпуль» сўзсиз равишда «Арсенал»дан бир бош устун туради. Эмерининг сўнгги вақтларда кўрсатаётган юқори кўрсатикчларига қарамай «қизиллар» кўп жабҳаларда ўзларини анча яхшилаб олган.

Бироқ Юрген Клопп учун буларни амалга ошириши учун етарлича вақт – 3 йил берилди. Жамоага янги келганлар Окслейд-Чемберлейн ва Фабиньолар жамоанинг тактик ишланмаларига киришиб кетишдан олдин захирада ўтиришди. Эмери эса қисқа вақт ичида муваффақиятга қозониш бўйича кучли стратег эканлигини кўрсата олди.

У ўз йўлидан бормоқда. Ҳеч ким Клоппдан нусҳа ололмайди. Бироқ «Арсенал» таркибида мувозанатнинг йўқлигидан Клопп келаётган учрашувда унумли фойдаланиб қолиши мумкин.